La Universidá de Qarawiyyin o Al-Karaouine (en árabe جامعة القرويين; en bereber: ⵜⵉⵎⵣⴳⵉⴷⴰ ⵏ ⵍⵇⴰⵕⴰⵡⵉⵢⵢⵉⵏ) ye una universidá islámica y mezquita allugada na ciudá de Fez (Marruecos). Esta institución foi fundada como madrasa de Qarawiyyin nel añu 859, mientres el reináu de la dinastía idrísida, por dos muyeres tunecines, ente elles Fatima al-Fihri, orixinaries de la ciudá de Cairuán (n'árabe Qairawan), que yera daquella la capital de Tunicia. Les belles residencies de los estudiantes inda se topen alredor de la universidá y tán siendo restauraes pol gobiernu de Marruecos.
Ye considerada –anacrónicamente– la institución universitaria más antigua inda en funcionamientu pol Llibru Guiness de los récords, anque en realidá la universidá ta considerada por espertos como una institución europea clásica y la madraza de Qarawiyyin solo convirtióse nel añu 1947, so l'alministración colonial francesa, nuna universidá verdadera.