La Torre de la Perlla Oriental (inglés: Oriental Pearl Tower </font>) ye una torre de televisión construyida nel distritu de Pudong de la ciudá de Shanghái, na República Popular China. Ye unu de los edificios más altos d'Asia y la quinta torre de televisión más alta del mundu por detrás de les torres de Toronto (Torre CN) , Moscú (Torre Ostankino) , Guangzhou (Torre de televisión de Cantón) , y la de Tokiu (Tokyo Sky Tree).
La torre foi inaugurada nel añu 1995. Tien un altor de 468 metros. El so diseñu ta formáu por cinco esferes a distintos altores. La mayor d'elles tien un diámetru de 50 metros; la que ta asitiada un pocu más arriba tien un diámetru de 45 metros. Dambes tán xuníes por trés columnes de 9 metros de diámetru caúna. Los dos esferes tán sofitaes por aciu vigues de formigón a les restantes.
La torre tien trés niveles con miradores. El mirador más altu ta asitiáu a 350 metros y recibe el nome de Módulu Espacial”. Esiste otru mirador a 263 metros y el postreru, conocíu como “Ciudá del espaciu”, ta a 90 metros. La torre cunta tamién con un restorán xiratoriu a 267 metros.
Dende'l segundu mirador puede aportase baxando unes escaleres, a una pasarela de cristal.
Na base de la torre atopa'l Muséu d'Hestoria de la ciudá y tase construyendo un parque d'atracciones dedicáu al mundu del futuru. La torre convirtióse nuna atracción turística que recibe más de tres millones de visitantes al añu aprosimao.
Predecesor: Torre Milad Irán |
' 1994 |
Socesor: |