Stonehenge ye un monumentu megalíticu de la Edá del Bronce y del Neolíticu allugáu cerca d'Amesbury en Wiltshire, Gran Bretaña, unos 13 km al noroeste de Salisbury.
Stonehenge ta formáu por cuatro círculos concentricos de piedres. El círculo esterior, de 30m de diámetru, ta formáu pos piedres rectangulares grandes de gres, qu'orixinalmente taben remataes por dinteles tamién de piedra quedando anguaño namái cuatro nel so llugar. Dientro d'esta filera esterior alcuentrase otru círculu de bloques más pequeños de gres. Esta tanca una ferradura construyida con piedres d'arenisca del mesmu color, y nel so interior topamos una llosa de gres micacia conocida como l'Altar. Tol conxuntu ta endolcáu por una fosa circular de 104 m de diámetru. Dientro d'esti espaciu írguese un bancal nel qu'apaecen 56 foses conocíes como los foriatos d'Aubrey. El bancal y la fosa tán tallaos pola Avenida, un pasadizu procesional de 23 metros d'amplitú y de 3 km aproximadamente de llonxitú. Cerca alcuéntrase la Piedra del Sacrificiu y en frente la Piedra Taló.
Componse d'un gran círculu de grandes megalitos que daten d'ente 2500 y 2000 edC. El círculu qu'endolca a los megalitos ta consideráu la parte más antigua del monumentu datada sobre'l 3100 edC. Nel so aniciu yera un monumentu circular de calter ritual arrodiáu d'un taluz y una fosa, de manera asemeyada a munchos otros asitiaos nel sur d'Inglaterra. Nel 2200 edC, va ser cuando tome'l so aspeutu actual, pa ello, tresportáronse 32 bloques de gres dende los montes de Preseli -al sudoeste de Gales- y la piedra del Altar foi llevada d'una rexón cercana a Milford Haven.
Desconozse la finalidá que tuvieron los constructores d'esti gran monumentu, pero suponse que yera emplegáu como templu relixosu y/o observatoriu astronómicu que servía pa predicir les estaciones. Les particularidaes del conxuntu tienen alimentao demientres sieglos lleendes, como que ye una pista d'aterrizase estraterrestre o un círculu máxicu de la dómina del rei Arturu.