El circuitu de Okayama (n'inglés: Okayama International Circuit; hasta 2004: Tanaka International Circuit Aida) ye un autódromo de 3.703 metros d'estensión asitiáu nel distritu d'Aida, prefectura de Okayama, Xapón. Foi inauguráu en 1992, y recibió delles vegaes a la Fórmula Nippon y al Campeonatu Xaponés de Gran Turismos.
En 1994 y 1995, Okayama foi see del Gran Premiu del Pacíficu de Fórmula 1. Michael Schumacher ganó dambes carreres; ye l'únicu Gran Premiu que tuvo delles ediciones y un únicu pilotu ganador, xuntu col Gran Premiu de la India, apostáu nel Circuitu Internacional de Buddh, nel que se celebraron tres ediciones ente los años 2011 y 2013 y onde solo foi capaz de vencer Sebastian Vettel, pilotando pa la escudería Red Bull-Renault. En 2008, el Campeonatu Mundial de Turismos, el D1 Grand Prix y la Fórmula Renault V6 Asiática tuvieron feches en Okayama.
El circuitu ye abondo más trabáu qu'otros autódromos internacionales en Xapón. La so superficie pocu abrasiva obliga a usar alta carga aerodinámica nos automóviles, lo que de la mesma amenorga la velocidá máxima nes rectes.
En marzu de 2003, el Circuitu TI» foi adquiríu pola Compañía Internacional Tanaka la «Unimat Holding Co., Ltd.». Poro, el propietariu del circuitu foi renombráu «Circuitu Internacional de Okayama Co., Ltd»., el 1 de mayu de 2004 y el nome del circuitu foi camudáu de «Circuitu TI Aida» a Circuitu Internacional de Okayama» el 1 de xineru de 2005.
El 26 d'ochobre de 2008, el circuitu entamó una ronda de la Fórmula V6 Asia y del Campeonatu Mundial de Turismos de la FIA. La competencia del WTCC foi la primer carrera internacional entamada pola FIA dende 1995. Sicasí, anunciárase que pal 21 de xunu de 2010 el circuitu de Suzuka sería see de la ronda de Xapón de la Temporada 2011 del WTCC, en llugar del Circuitu Internacional de Okayama.
Añu | Pilotu | Equipu | Fecha !
Resultancies |
|
---|---|---|---|---|
1994 | Michael Schumacher | Benetton-Ford | 17 d'abril | Resultancies |
1995 | Michael Schumacher | Benetton-Renault | 22 d'ochobre | Resultancies |